Qofte në furrë me krem kosi

PËRBËRËSIT: 600 g mish i grirë, 1 qepë, 1 vezë, 1 tufë majdanoz, 2 feta bukë, vaj për skuqje, kripë, piper, 2 vezë, 2 gota kos
1 gotë ujë, 1 lugë gjelle miell dhe 1 lugë gjelle gjalpë.

PËRGATITJA: Mishin e grirë e bashkojmë me qepën e grirë, vezën, bukën e njomur në ujë, kripën, piperin dhe majdanozin e grirë. E punojmë mirë brumin e qofteve dhe më pas i skuqim lehtë në vaj të nxehtë. I vendosim qoftet në një tavë. Rrahim vezët me pak miell, shtojmë kosin e holluar me pak ujë dhe e shtojmë në tavë mbi qoftet. Në fund bëjmë një spërkatje me gjalpë dhe e vendosim tavën në furrë të parangrohur derisa kremi të mpikset. Ju bëftë mirë!