Tagliatelle me karkaleca të freskët

Kjo pjatë u përgatit nga Erida's kitchen

Duke qenë se është kaq vapë mendja na shkon vetëm te deti dhe sigurisht që na shijojnë aq shumë produktet e tij këto kohë.

Përbërësit për këtë recetë: 250 g makarona tagliatelle, 300 g karkaleca, 1/2 qepe e grirë imët, 1-2 thelpinj hudhra të grira imët, 50 g gjalpë, panna për gatim, kripë, piper, majdanoz dhe pak spec i kuq djegës.

Përgatitja: Vendosim makaronat të ziejnë, ndërkohë përgatisim salcën me karkaleca. Në një tigan shtojmë pak gjalpë dhe skuqim karkalecat për 2-3 minuta. U hedhim kripë, piper dhe pak spec djegës. Pasi janë skuqur i lëmë mënjanë. Në të njëtin tigan shtojmë sërish gjalpë dhe skuqim qepën dhe hudhrën derisa të zbuten. Shtojmë më pas panna-n dhe pak ujë nga makaronat. Më pas shtojmë makaronat, i përziejmë me salcën dhe shtojmë karkalecat. I hedhim pak majdanoz të grirë dhe pjata është gati.