Këto modele të viteve '80 nuk duhet t' i mungojnë garderobës tuaj

Vitet e fundit kemi parë një rikthim në modë të veshjeve ndër vite. Por në këto sezone kemi një rikthim në masë kryesisht të veshjeve të viteve ’80.

Nëse do t’i hedhim një sy kostumeve, do të shohim kostume me supe të gjera, masa të bollshme dhe me pantallona veçanërisht të gjera, apo kombinuar me një fund mbi gjurin ose midi.

Po ashtu fustanet të stiluara me detaje dhe me dizenjo, të gjatë deri poshtë gjurit është një nga tendencat më të pëlqyera të momentit.

Nëse do të flasim për pantallonat xhins, sigurisht që zgjedhja e parë do të ishin të stilit ‘palazzo’. Po fundet xhins i keni parë se sa shumë përdorim po gjejnë ditët e sotme nga vajzat?

Epo këto dhe shumë të tjera që do jua tregojmë më poshtë janë tërësisht stil i atyre viteve dhe që sot mund të zgjidhni t’i vishni pa u menduar dy herë sepse eleganca do të jetë në maksimumin e saj.