Menu dimri 9 Shkurt 2022

Supë me finok; Recetë detox që ndihmon për t´u dobësuar

Menu dimri

E lehtë, e shijshme, e shëndetshme dhe e ushqyeshme, supa me finok përgatitet shpejt dhe është ideale gjatë periudhës së vjeshtës dhe dimrit.

Përbërësit:

500 gr finok (pjesa e bardhë dhe jeshile)

2 qepë

4 feta bukë

1 thelpi hudhër

4 lugë gjelle vaj ulliri

Kripë

Prisni bukën, vendoseni në një tepsi me vaj dhe hudhrën e grirë dhe piqeni në furrë të ngrohur në 190 gradë për të paktën 15 minuta, duke i rrotulluar herë pas here.

Lani  fijet jeshile të finokut dhe grijini imët. Sapo copat e bukës të jenë gati, hidhuni përsipër masën e grirë të fijeve jeshile dhe lërini të ftohen.

Lani edhe gjethet e kërcejt e finokut, pritini në feta dhe vendosini në ujë të vluar me kripë. Shtoni edhe qepët e prera në feta.

Ulni zjarrin dhe lërini të ziejnë për 20 minuta të tjera. Pas kësaj kohe, kalojeni supën në frulator, shtoni pjesën e mbetur të vajit dhe rregullojeni me kripë. Shërbejeni me copat e bukës.

Sipas dëshirës shtoni edhe piper ose grini pak parmixhano te supa. Gjithashtu mund të shtoni një lugë kos ose pak pana të thartë.

ARTIKUJ TE NGJASHEM

  • Javor
  • Mujor
  • Vjetor