Shendeti mendor 7 Maj 2022

Kate Middleton ka të njëjtat probleme si të gjitha: Asnjë nënë nuk është imune ndaj ankthit dhe depresionit

Shendeti mendor

Dukesha e Cambridge, Kate Middleton ka folur pa doreza rreth sfidave të mëmësisë. Ajo ka thënë se asnjë nënë nuk është imune ndaj përjetimit të ankthit dhe depresionit në një video të re në rolin si mbrojtëse të një ‘organizate fantastike’ që mbështet shëndetin mendor të grave.

40-vjeçarja tha se ishte e rëndësishme që atyre që ‘luftojnë’ t’u jepej ‘mbështetja e duhur në kohën e duhur’ dhe gjithashtu i kërkoi shoqërisë të luante rolin e saj, duke thënë se të gjithë duhet të ndihmojnë ‘prindërit dhe kujdestarët, dhe të gjithë ata që rrisin fëmijë sot’.

Nëna e tre fëmijëve është fokusuar në mbështetjen e viteve të para dhe shëndetin mendor në karrierën e saj mbretërore. Dukesha tha në videon e saj se mesazhi i javës ishte për ‘fuqinë dhe rëndësinë e lidhjes’ dhe se si dy vitet e fundit i kishin kujtuar të gjithëve për rolin e marrëdhënieve në shëndetin dhe lumturinë afatgjatë, veçanërisht në fillim të jetës. për foshnjat. Ajo shtoi: “Por ne të gjithë e dimë se shtatzënia, lindja, muajt dhe vitet e para të jetës së një fëmije mund të jenë jashtëzakonisht kërkuese. Prindërit shpesh ndihen të vetmuar dhe të mbingarkuar nga këto vite të hershme. Mjerisht, ne gjithashtu e dimë se shumë të tjerë po vuajnë në heshtje. Askush nuk është imun ndaj ankthit dhe depresionit gjatë kësaj kohe”.

MMHA është një shoqatë bamirëse dhe rrjet në mbarë Mbretërinë e Bashkuar prej më shumë se 100 organizatash, që punon për të siguruar që gratë dhe familjet e prekura nga problemet mendore perinatale, të kenë qasje në kujdes dhe mbështetje gjithëpërfshirëse me cilësi të lartë.

“Është thelbësore që të gjithë atyre që mund të kenë vështirësi t’u jepet mbështetja e duhur në kohën e duhur, në mënyrë që ata të jenë në gjendje t’i ndajnë këto ndjenja pa frikë nga gjykimi dhe të kenë qasje në informacionin, kujdesin dhe mbështetjen që u nevojitet”.

ARTIKUJ TE NGJASHEM

  • Javor
  • Mujor
  • Vjetor