Shëndeti i gruas 22 Maj 2022

Çfarë është çrregullimi i orgazmës femërore, a duhet të shqetësohemi?

Shëndeti i gruas

Çrregullimi i orgazmës femërore, ose problemet me përjetimin e orgazmës, përbëjnë një nga shqetësimet më urgjente dhe më të zakonshme për të cilat gratë mund të vizitojnë një seksolog. Është problemi i dytë seksual më i shpeshtë i raportuar (pas mungesës së dëshirës seksuale).

Të dhënat e fundit tregojnë se 16-25% e grave në vende si SHBA, Australia, Kanadaja dhe Suedia raportojnë këto sfida. Për shkak se ky problem është kaq shqetësues dhe dihet kaq pak për të, studiuesit aktualisht po vëzhgojnë se çfarë ndodh në trurin e grave që nuk përjetojnë dot orgazmën.

Mosfunksionimet lidhur me orgazmën mund të variojnë nga të lehta në të rënda.

“Anorgazmia” është termi për problemet e përjetimit të orgazmës. Mosfunksionimi “i lehtë” i orgazmës është raportuar se prek deri në 60% të grave.

-Anorgazmia primare është kur personi nuk ka pasur kurrë një orgazëm.

-Anorgazmia dytësore ose e fituar është kur dikush mund të përjetonte më parë orgazëm, por nuk është më në gjendje ta bëjë këtë.

Ju mund të konsultoheni me një gjinekolog, terapist – lidhur me këtë. Ndërkohë, përpiquni të praktikoni dashurinë ndaj vetes, të eksploroni me trupin tuaj dhe të përpiqeni të dëgjoni se çfarë përpiqet t’ju thotë.

 

ARTIKUJ TE NGJASHEM

  • Javor
  • Mujor
  • Vjetor