Aktualitet 27 Qershor 2022

Vala e re e Covid-it, epidemiologu Ilir Alimehmeti tregon se nga dallon varianti i ri nga Omicron-i i zakonshëm

Aktualitet

Java e dytë e muajit qershor solli një rritje të ndjeshme të infektimeve ditore me Covid. Për mjekun epidemiolog Ilir Alimehmeti shkak është nënvarianti i ri, Omicron 5. Sipas tij ky virus ka aftësinë të kapërcejë imunitetin e Covid. Omicron 5 ka një simptomë dalluese nga variantet e tjera.

“Është i ngjashëm shumë me Omicronin. Duket se ka një dhimbje shumë të madhe trupore, kockash e me radhë. Është një situatë virale që kalon 3 deri në 5 ditë, për shumicën e njerëzve. Përqindja e atyre që shkojnë drejt formave më të rënda është shumë më e ulët se më parë.”

Muaji korrik do të jetë edhe kulmi i rritjes së infektimeve me covid. Mjeku thotë se do të ketë rritje të numrit të pacientëve në spital. Lajmi i mirë është që virusi nuk do të shfaq agresivitetin e mëparshëm. Aktualisht në spitalin Covid 3 po marrin ndihmë të specializuar 18 pacientë. Për fat të mirë prej më shumë se 2 muajsh në vend nuk është shënuar asnjë rast fataliteti.

 

ARTIKUJ TE NGJASHEM

  • Javor
  • Mujor
  • Vjetor