Probleme te perditshme 8 Korrik 2022

Syzet e diellit, përse nuk duhet t'i mbani kurrë gjatë këtij orari

Probleme te perditshme

Mbrojtja nga dielli nuk nënkupton vetëm aplikimin e një kremi me faktor UV, por edhe mbajtja e syzeve të diellit. Megjithatë, ekspertët kanë përcaktuar në bazë të hulumtimeve se nuk është mirë të mbani syze dielli gjatë gjithë kohës, e sidomos herët në mëngjes.

Në momente të caktuara të ditës, fshehja e syve pas syzeve nuk është një ide e mirë. Studimet tregojnë se fotoreceptorët në sy ndihmojnë në rregullimin e ritmit cirkadian të trupit, i cili luan një rol të rëndësishëm në rregullimin e gjumit, oreksit dhe shumë proceseve të tjera në trup.

Hulumtimet tregojnë se ata që marrin “nivele të larta” të dritës së ndritshme në mëngjes shpesh flenë më mirë se ata që nuk janë të ekspozuar ndaj dritës dhe mbajtja e syzeve të diellit mund të ndërhyjë në këto procese natyrore.

Profesori i oftalmologjisë në Shkollën e Mjekësisë në Harvard, Dr. Stephen Foster, thotë se është më mirë të shmangni mbajtjen e syzeve të diellit ndërmjet orës 9 dhe 10 të mëngjesit. Ai gjithashtu tregon se është e rëndësishme se cilat syze zgjidhni për mbrojtjen nga dielli, sepse jo të gjitha janë të një cilësie të barabartë.

Mbajtja e syzeve të diellit mund të mbrojë sytë tuaj, por jo të gjitha syzet janë njësoj të mira. “Nuk ka rëndësi sa të errët janë dhe çfarë ngjyre ka xhami. Gjëja më e rëndësishme është që syzet e diellit bllokojnë 99 deri në 100 për qind të rrezatimit UVA dhe UVB”, thotë ai.

“Gjithashtu, polarizimi i xhamit nuk ka të bëjë fare me mbrojtjen UV”, thotë okulistja Rebecca Taylor, zëdhënëse e Akademisë Amerikane të Oftalmologjisë. Dhe madhësia e xhamit është e rëndësishme.

ARTIKUJ TE NGJASHEM

  • Javor
  • Mujor
  • Vjetor