Kuzhina / 26 Maj 2017, 10:52

Mus me luleshtrydhe për 5 minuta

livinetete

Tani që çmimi i luleshtrydheve ka rënë ndjeshëm dhe janë mëse të përballueshme, pamja e tyre nuk është si disa javë më parë dhe fëmijët do të bëjnë naze për t’i ngrënë pasi do të mendojnë se janë të prishura. Në të vërtetë ato të voglat dhe të shëmtuarat janë më të shijshme, ndaj mësoni më poshtë si të përgatisni mus me lusheshtrydhe për 5 minuta
Perberesit:
300g luleshtrydhe
130-150g sheqer
1 e bardhë veze në temperaturë ambienti
7-8 luleshtrydhe për t’i vendosur në fund të gotave
Pergatitja:
1. Luleshtrydhet, të pastruara nga gjethet(300g), të lara dhe të thara, i ndajmë në copa të vogla dhe i grijmë bashkë me sheqerin në grirësen e frutave. I lëmë mënjanë.
2. Të bardhën e vezës e rrahim me rrahësin elektrik të vezëve që të bëhet marengë.
3. Në robot ose në një tas, duke përdorur rrahësin elektrik, rrahim luleshtrydhet e grira me sheqerin dhe të bardhën e vezës marengë derisa të bëhen mus (krijohet një masë si shkumë).
4. Musin e ndajmë nëpër gota, ku kemi vendosur disa copa luleshtrydhesh dhe e lëmë në frigorifer për 30-40 minuta. 

Linda Fishta, fotografia Armand Habazaj

Horoskop