"Martesa ime ka qenë një malore", Gent Zenelaj zbulon të pathënat e jetës bashkëshortore

Ndryse nga shumë personazhe të njohura të showbizz-it shqiptar, aktori dhe moderatori i njohur Gentian Zenelaj është përpjekur që jetën personale ta mbajë larg vëmendjes mediatike. Megjithatë sa herë është i i ftuar nëpër emisione nuk lë rast pa përmendur Aidën, gruan që i ndryshoi jetën.

I ftuar së fundmi në emisionin e Rudina Dembacajt, ai nuk i ka shpëtuar pyetjeve rreth marrëdhënies me të, si për shembull se kush e bën ligjin në shtëpi. I ndarë për të vendosur mes vetes, gruas dhe të bijës, aktori zbuloi se ishte e shoqja ajo që "bënte ligjin".

"Në shtëpinë tonë e bën ligjin gruaja, e cila ka dashur Zoti që të ishte Aida, kështu që gruaja. Në shtëpinë tonë e bënë ligjin gruaja."-tregoi ai.

Më tej vijoi rrëfimin e tij duke thënë: "Martesa ime ka qenë një malore, malore, malore, jo në aspektin e marrëdhënies time me Aidën, por realisht e kemi nisur me një shtëpi të palyer. E kemi nisur me mobilje të kohës së Enverit dhe me një biçikletë. Ma beso që çdo gjë në këtë jetë e kam vendosur bashkë me Aidën."