Pjata kryesore 5 Shtator 2022

Byrek i ëmbël me krem qumështi 

Pjata kryesore

Kjo recetë u përgatit nga Gatime shqiptare


Përbërësit: 3 gota miell gruri, 4-5 gota qumësht, 3-4 lugë gjelle niseshte, 3 kokrra vezë, 100 g gjalpë, 2-3 lugë gjelle sheqer.

Përgatitja: Fillimisht përgatisim brumin njësoj siç veprojmë për byrekun e zakonshëm. Hapim më pas petët dhe i vendosim të piqen në furrë, duke lenë 2-3 petë mënjanë të papjekura. Petët e papjekura i shtrojmë si bazë në një tavë të lyer me pak gjalpë. Më pas vendosim petët e pjekura duke i thërrmuar dhe duke i spërkatur me gjalpë.

Në një tas rrahim vezët me qumështin, niseshten, gjalpin dhe sheqerin. E përziejmë mirë derisa niseshteja të tretet dhe e vendosim në zjarr duke e përzier pa ndërprerje derisa kremi të trashet. Më pas e lemë të ftohet dhe e hedhim sipër petëve. Mund t’a mbulojmë me një petë të papjekur dhe më pas e vendosim në furrë të parangohur të piqet në temperaturën 180 gradë Celsius.

ARTIKUJ TE NGJASHEM

  • Javor
  • Mujor
  • Vjetor