Sallatë shoqëruar me fileto viçi

Përbërësit: fileto viçi, kripë, piper, rigon, verë e bardhë, fara pikante ( sipas dëshirës ), susam, sallatë jeshile, speca jeshil dhe i kuq, qepë të njoma, kastravec, vaj ulliri dhe uthull e bardhë.
⠀
Përgatitja:  Si fillim filetot i rrihni mirë dhe i marinojmë. Fileton e parë e marinojmë nga dy anët me kripë, piper dhe rigon dhe e vendosim në një pjatë të thellë. Më pas fileton tjetër e marinojmë vetëm nga një anë po me të njëjtat erëza dhe e vendosim sipër të parës nga ana e pamarinuar. E kështu vazhdojmë me gjithë filetot duke i vendosur sipër njëra tjetrës. I hedhim sipër gjysmë gote verë dhe e mbulojmë me qese kuzhine nga sipër. I vendosim në frigorifer për një orë. Në një tigan të thellë me kapak ose tenxhere të thellë hedhim vaj dhe filojmëme skuqim filetot. Nëse s’kemi hapsirë mjaftueshëm, filetot e skuqura i heqim dhe i vendosim në një pjatë derisa të skuqen të gjitha. Pasi i kemi skuqur të gjitha , i vendosim përseri tek ena ku i skuqëm i shtojmë lengun nga pjata ku ishte marinuar dhe shtojmë gjysëm filxhan çaji ujë. Temperaturën e ulim dhe e mbyllim me kapak enën. Për gjatë një ore mishin do e lejmë të zbutet duke shtuar herë pas here nga gjysëm filxhan çaji ujë. Kjo do durim por mishi në fund ka një shije super. Pasi ka kaluar 1 orë dhe shihni që uji është shteruar, shtojmë gjysëm filxhan uji të fundit dhe e lejmë dhe 10 minuta. Kështu uji marr lëngjet e mishit dhe shijen e skuqjes.