Showbiz 21 Shtator 2022

Mbretëresha kishte shumë talente, por ishte veçanërisht e apasionuar pas...

Showbiz

Tashmë të gjithë e dinë se mbretëresha Elizabeth kishte shumë talente, si kalërimi apo noti. Pas dyerve të mbyllura të pallatit, mbretëresha e ndjerë ishte një notare e zjarrtë dhe dashuria e saj për notin filloi që në moshën 10-vjeçare.

Sipas “Swimming World Magazine”, monarkja filloi me notin në shpinë dhe gjoks dhe nuk kaloi shumë kohë para se ajo të fitonte medaljet e saj të para. Në fakt ajo u vlerësua si notarja më e mirë në kategorinë e vajzave deri në moshën 14-vjeçe. Kur u ngjit në fronin britanik, ajo u bë mbrojtëse e Shoqatës së Notit Amator dhe theksoi gjatë viteve se noti nuk është thjesht një sport konkurrues, por një aktivitet që kontribuon në mirëqenien. Mbretëresha Elizabeth pasionin e saj për notin ia kaloi djalit të saj, Princit Charles, i cili e do veçanërisht detin dhe pishinën.

Së fundmi BBC-ja ka raportuar se funerali i mbretëreshës Elizabeth është parë nga 63.2% e popullsisë së botës. Sipas raportimit, kjo është ngjarja e vetme e një rëndësie të tillë që është transmetuar drejtpërdrejtë. Në Pallatin Windsor u mbajt ceremonia përmbyllëse e varrimit të mbretëreshës. Elizabeth ndërroi jetë më 8 shtator në moshën 96-vjeçare. Ajo ishte monarkja më jetëgjatë në histori.

Njerëzit qëndruan me orë të tëra në radhë e të lodhur, por me dëshirën e madhe për t’i dhënë lamtumirën monarkes. Turma ishte e larmishme po qëllimi i tyre ishte një, për t’i bërë nderime mbretëreshës së ndjerë. Qytetarët pritën më orë të tëra për të parë të kalonte kortezhi me arkëmortin e monarkes së ndjerë.

E vështirë të bëhet një vlerësim i saktë i kostove të funeralit për një organizim të përmasave të tilla dhe që në Britaninë e Madhe nuk shihet në rreth 60 vjet kur ndërroi jetë kryeministri Winston Churchill. Por, flitet për miliona paund dhe kush i jep janë taksapaguesit britanikë.

 

ARTIKUJ TE NGJASHEM

  • Javor
  • Mujor
  • Vjetor