"Më ka bërë njeri më të mirë" kujt ia dedikon Klea Huta ndryshimin e saj si njeri

Klea Huta është një nga vajzat më të njohura të showbizz-it shqiptar. Ajo është moderatore, këngëtare, aktore, tashmë drejton edhe akademinë e saj. Mirëpo, kur u pyet sot në “ABC e Mëngjesit” se cila nga punët i jep më shumë kënaqi, ajo i surprizoi të gjithë duke zgjedhur mëmësinë. Klea theksoi se profesioni më i mirë në botë është i biri, Kridi, i cili e ka rritur shumë.

“Nga këto punët që bëj më shumë kënaqësi më jep Kridi. Është profesioni më i mirë në botë. Më ka ndikuar 100% që kur jam bërë nënë. Më ka mësuar shumë. Jam rritur. Është fëmija i parë që më dha emrin nënë. Ne bëjmë një rrugë të dy. Unë e edukoj, e rris dhe një nga ndihmesat më të mira është mami im, pa të nuk do bëja dot asnjë nga këto punë.

Kridi edhe më ka rritur dhe më ka bërë të jem një njeri më të mirë. Unë kam qenë gjithmonë njeri shumë i mirë, po ai më ka bërë edhe më të mirë”, u shpreh ndër të tjera Klea. Më tej, ajo pranoi që i biri i ngjan më shumë asaj, ndërsa shpreson që kur të bëjë një vajzë t’i ngjajë Elgitit.