E zbulon studimi i fundit: Kjo kategori vajzash dhe grash preket më shumë nga format agresive të kancerit të gjirit

Shkencëtarët në SHBA kanë gjetur një lidhje gjenetike mes njerëzve me prejardhje afrikane dhe një lloji agresiv të kancerit të gjirit.

Ata shpresojnë se gjetjet e tyre do të inkurajojnë më shumë njerëz me ngjyrë që të përfshihen në provat klinike në një përpjekje për të përmirësuar normat e mbijetesës për njerëzit me sëmundje.

“Kurrë nuk kam menduar se kisha ndonjë gjë për t’u shqetësuar”, thotë Laverne Fauntleroy, një afrikano-amerikane 53-vjeçare nga Nju Jorku.

Laverne kishte një mënyrë të shëndetshme jetese, hante mirë dhe bënte ushtrime fizike rregullisht, por në janar, jo shumë para ditëlindjes së saj, u diagnostikua me kancer.

“Më thanë se kisha kancer në gji”, thotë ajo.

Më pas vazhdoi: “Shumica e njerëzve që unë kam njohur me kancer nuk mbijetuan, kështu që, natyrisht, unë isha e shkatërruar dhe shumë e frikësuar.”

Laverne zbuloi se ajo kishte kancer të gjirit (TNBC). Është një lloj më pak i zakonshëm i sëmundjes, por rritet shpejt, ka më shumë gjasa të përhapet dhe ka më shumë mundësi të rikthehet.

Për shkak se i mungojnë tre lloje të receptorëve që gjenden në format e tjera të kancerit të gjirit, ilaçet që funksionojnë për ta nuk kanë ndikim në TNBC.

Është më e zakonshme tek gratë nën 40 vjeç dhe prek në mënyrë disproporcionale gratë me ngjyrë.

Një studim i publikuar në revistën JAMA Oncology zbuloi se gratë me ngjyrë të diagnostikuara me TNBC kanë 28% më shumë gjasa të vdesin prej tij sesa gratë e bardha me të njëjtën diagnozë.

Tani një studim i ri ka konfirmuar lidhjen gjenetike midis prejardhjes afrikane dhe TNBC.

Lisa Neëman, nga Ëeill Cornell Medicine, ka qenë pjesë e një projekti ndërkombëtar që studion kancerin e gjirit tek gratë në rajone të ndryshme të Afrikës për 20 vjet.

Puna e saj ka treguar se TNBC është veçanërisht e zakonshme tek gratë nga vendet në Afrikën perëndimore nën-Sahariane, si Gana.

Ajo thotë se arsyeja mund të jetë se gjenetika e grave nga kjo zonë është formuar gjatë brezave duke luftuar sëmundjet vdekjeprurëse infektive si malaria.