Pjata kryesore 8 Nëntor 2022

Fokaçe të vogla dhe të shpejta

Pjata kryesore

Nga LINDA FISHTA

PËRBËRËSIT për 12/13 fokaçe - varet sa të mëdha do t’i bëni: 200g miell ● 1 lugë vaj ulliri ● 1 lugë kafeje kripë - varet se sa e kripur është gjiza ● 8g sodë për torta të kripura ose sodë për ëmbëlsira pa vanilje ● 70/80ml ujë afërsisht (varet se sa e thatë është gjiza) ● 100g gjizë.

PËRGATITJA: Në një tas hedhim miellin dhe sodën me sitë, shtojmë gjizën, kripën dhe vajin. Shtojmë ujin pjesë–pjesë dhe ndërkohë e punojmë me dorë derisa të kemi një brumë të butë por që nuk ngjit. Mjaftojnë 2-3 minuta. Hapim me petës edhe pak miell një petë të hollë 3-4 mm dhe e presim me forma sipas dëshirës (me një gotë). Vëmë në zjarr një tigan të sheshtë që nuk ngjit, pa vaj, dhe kur të jetë ngrohur mirë, vëmë fokaçet. I kthejmë nga ana tjetër për t’i pjekur nga të dyja anët dhe i shërbejmë menjëherë.

ARTIKUJ TE NGJASHEM

  • Javor
  • Mujor
  • Vjetor