Probleme te perditshme 4 Dhjetor 2022

Hiqni dorë nga komplimenti "Sa je dobësuar!", këto arsye do t'ju bindin të mos e thoni më këtë shprehje

Probleme te perditshme

Nëse një njeri i afërt ka humbur peshë kohët e fundit, mund të doni t'i tregoni se sa bukur duket.Doni t'i thoni gjithashtu se do të dëshironit të kishit trupin ose vullnetin e tij/saj ose ta pyesni se si e arriti. 

Komentet e tilla kanë qëllim të mirë, por mund të kenë pasoja negative të padëshiruara.

"Në këtë rast, ne po e përkeqësojmë ose pohojmë pa dashje idealin 'e hollë' që shoqëria jonë tenton ta theksojë dhe ta idhullojë," tha Alvin Tran, një profesor i shëndetit publik në Universitetin e New Haven në Connecticut, i cili bën kërkime mbi çrregullimet e të ngrënit dhe trupin. "Ne duhet të jemi shumë të kujdesshëm kur i drejtohemi bisedave rreth pamjes fizike të dikujt, veçanërisht peshës."

Kjo është veçanërisht e rëndësishme kur flisni me njerëz me çrregullime të të ngrënit ose probleme serioze të imazhit të trupit, pasi komente të tilla mund të përkeqësojnë situatën e tyre. 

Duke i thënë dikujt "sa je dobësuar!", e bën të mendojë sesi është dukur përpara. Natyrshëm lindin pyetje të tipit: "Nuk kam qenë e pranueshme për shoqërinë?" "Çfarë ke menduar për mua deri tani?"

Nga ana tjetër, nëse nuk ju komplimentojnë mendoni se diçka sërish s'po shkon me ju dhe se diku po gaboni.

Çfarë duhet të thoni në vend të kësaj? 

Gjeni mënyra për të komplimentuar që nuk përfshijnë komente direkte për trupin. Nëse dikujt i është dashur të humbasë peshë për arsye shëndetësore, mund ta komplimentoni duke i thënë sa bukur janë veshur apo sa shumë sytë e tyre shkëlqejnë sot. 

Është e rëndësishme të pranojmë se kush jemi. Duhet ta pranojmë gjenetikën tonë. Sa më shumë të pranojmë trupin tonë, aq më të shëndetshëm jemi!

ARTIKUJ TE NGJASHEM

  • Javor
  • Mujor
  • Vjetor