5 kombinime për të shkëlqyer në festën e punës

Duket si gjëja më e thjeshtë në botë, por në fakt është krejt e kundërta dhe këtë e dini më së miri vajzat. Po flasim për festën e punës, e cila për hir të së është po aq impenjative sa gëzimet familjare dhe ato personale, sidomos kur bëhet fjalë për të gjetur veshjen e duhur. Më poshtë do të gjeni 5 kombinime për të shkëlqyer në festën e punës.

Jumpsuit
Ju ndajnë vetëm dy ditë nga festa e punës, keni bërë lëmsh gjithë gardërobën dhe nuk dini ende ç’të vishni? Jumpsuit-i është gjithmonë një zgjedhje e shkëlqyer, sidomos për trupat në formë molle pasi hollon pjesën e barkut dhe thekson ijet. Për të qenë sa më IN zgjidhni një material me shkëlqim ose temina. Kombinojeni jumpsuit-in tuaj me një xhaketë kadifeje, e cila do i japë prekjen e duhur “stylish” kësaj veshjeje.

Xhaketë + slip dress

Një nga tendencat e këtij viti është pa diskutim slip dress, fustani këmishë nate. Duket se vajzat hezitojnë për ta veshur, megjithatë po ta kombinoni me një xhaketë të gjatë e cila thyen dhe harmonizon figurën, do të dukeni shumë bukur. Zgjidhni satenin ose mëndafshin dhe mos harroni rregullin e artë, ky fustan nuk duhet të jetë kurrë mbi kupën e gjurit.

Crop-top + pantallona me shtat të lartë
Nëse doni që të bini vërtetë në sy, në kuptimin e mirë të fjalës, në një festë pune guxoni me një bluzë crop top +pantallona me shtat të lartë. Për t’u dukur sa më bukur ju këshillojmë që të zgjidhni pantallona të zeza dhe crop argjendi ose në ngjyrë floriri.

Kostum

Edhe pse çdo vit stilistët vijnë me propozime nga më të çmendurat, duket se asgjë nuk mund ta nxjerrë jashtë loje kostumin klasik. Eleganca e përjetshme që të jep është e pakonkurrueshme me asgjë tjetër.  Për Krishtlindjet apo Vitin e Ri 2022, mos nguroni ta vishni, sigurisht të kombinuar me një kanotiere ose bluzë bust që duhet të jetë në të njëjtën ngjyrë.

Fustan i shkurtër me geta transparente
Dy sugjerime: fokusohuni te një fustan i shkurtër me rrudha që harmonizon figurën dhe ka mëngë të gjata, të cilat mbulojnë çdo defekt. I njëjti funksion si getat e holla.