Femijet 25 Dhjetor 2022

Temperaturë e lartë dhe probleme me frymëmarrjen, cilat janë infeksionet që po qarkullojnë momentalisht në vend

Femijet

Mjekja pediatre, Sonila Brati thotë se prej 3 muajsh, ka një numër të shtuar të fëmijëve që janë prekur nga virozat. Në një intervistë për Euronews Albania, Brati u shpreh se aktualisht janë disa infeksione që po qarkullojnë.

“Ne këto ditë, realisht kemi një situatë të ngarkuar me viroza, me fëmijë që paraqiten te ne, që vijnë për vizitë dhe padiskutim kërkojnë ndihmë nga ana jonë, një situatë e tillë që nga periudha e shtator-tetorit, që kur vjeshta ka nisur, ne kemi një situatë të ngarkuar me viroza. Janë në fakt disa simptoma që paraqesin fëmijët, kryesisht dominojnë temperaturat shumë të larta, që shkojnë për disa ditë, për 5 ditë, por ka raste deri në 1 javë apo 10 ditë.

Nuk mund të them që për 10 ditë është temperaturë e lartë, por fillon një temperaturë 39/40 dhe pastaj me kalimin e kohës fillon të bjerë, pa asnjë simptomatikë tjetër, pa kollë, pa rrufë. Pastaj janë disa infeksione të tjera që paraqiten, janë infeksione të rrugëve të sipërme respiratore, që predominojnë këtë vit, 2022-shin, probleme me veshin, grykët, me temperatura shumë të larta te fëmijët, shpeshherë është i pashmangshëm mjekimi. Prezencë ka të bronciteve, diarresë dhe të vjellave”, theksoi ajo.

ARTIKUJ TE NGJASHEM

  • Javor
  • Mujor
  • Vjetor