Mund të shfaqet që në të 20-tat, këto janë shenjat paralajmëruese të menopauzës së parakohshme

Menopauza është një nga etapat më të rëndësishme në jetën e një gruaje. Sipas Organizatës Botërore të Shëndetësisë (OBSH) rreth 3% e grave në botë vuajnë nga menopauza e parakohshme, e cila shfaqet me fillimin e të 30-ve.  Disa prej shkaqeve kryesore që çojnë në shfaqjen e menopauzës së parakohshme janë sëmundjet e sistemit imunitar, obeziteti, ekspozimi në ambiente toksike, heqja kirurgjikale e vezoreve etj.

Simptomat e menopauzës së parakohshme nuk janë të njëjta për të gjitha femrat, por ndër më kryesoret përmendim :

Cikël menstrual i çrregullt: Ulja e nivelit të estrogjenit në vezore sjell edhe çrregullime në ciklin menstrual. Gjatë kësaj periudhe ju keni fluks gjaku me ngjyrë dhe erë të ndryshme nga cikli i zakonshëm.

Rrahje të shpeshta të zemrës: Ndryshimet hormonale sjellin ndryshime të ritmit kardiak, si rrjedhojë keni rrahje të shpeshta. Femrat që vuajnë nga sëmundjet kardiovaskulare janë ëm të prekura nga këto shqetësime.

Thatësia vaginale: Kjo simptomë mund të rrezikojë serioizsht jetën seksuale të një femre. Vagina humbet aftësinë për t’u hidratuar në mënyrë natyrale. Si dhe konstatohet ulje e dëshirës seksuale.

Infeksionet urinare: Çrregullimet e pH-it të zonës intime krijojnë një ambient të përshtatshëm ku rriten bakteret . Si rrjedhojë do të keni djegie të fshikëzës së urinës dhe vështirësi për të urinuar.

Ndryshimet e gjendjes emocionale: Ndryshimet e humorit, të qarat e vazhdueshme, mungesa e gjallërisë, vetmia janë disa nga pasojat e menopauzës së parakohshme. Femrat ndihet më pak femër gjatë kësaj periudhe dhe zhvlerëson veten.

Probleme të kockave: Gjatë kësaj faze, trupi i femrës humbet aftësinë për të përthithur kalciumin dhe ushqyes të tjerë që ushqejnë kockat. Rrezikoni të prekeni nga artriti dhe reumatizma.