Nga 14 shkurti rikthehet ekskluzivisht në Tring UEFA Champions League

UEFA Champions League vijon rrugëtimin drejt kurorëzimit të më të mirit të Europës. Sezoni 2022/2023 vazhdon të sjellë emocione të mëdha, me fazën më elektrizuese të tij, atë me eleminim direkt.

Me 14 shkurt, Tring ju jep gjithë dashurinë e nevojshme me yjet e futbollit europian, në kërkim të një bilete drejt stadiumit “Atarurk Olympic”, në Stamboll të Turqisë, aty ku do të luhet edhe finalja e madhe, më 10 qershor.

Ndeshjet e para të fazës së 1/8-ave do të luhen më 14, 15, 21 dhe 22 shkurt, ndërsa ato të kthimit më 7, 8, 14 dhe 15 mars.

Të gjitha kanalet e Tring Sport do t’u dedikohen spektaklit të elitës së kontinentit, në një transmetim maratonë që do të kulmojë me sfidat e mbrëmjes dhe me “Studio UCL”, me analistë dhe ekspertë që do të sqarojnë gjithçka në detaje rreth asaj që do të prodhojë fusha e blertë.