Sëmureni sa herë ndryshon koha dhe moti? Ja çfarë duhet të bëni për të shmangur këtë siklet

Shumë njerëz me ndryshimin e sezonit dhe të klimës menjëherë përballen me shqetësimet e para. Dhimbja e kokës, marramendja apo migrena mund të jenë disa nga këto simptoma që më shpesh shfaqen kur moti ndryshon. Krahas këtyre simptomave mund të përmendim edhe lodhjen, përqendrimi i dobët, rritja e dëshirës për të fjetur gjumë, ndryshimi i humorit, probleme me pagjumësinë. Por, gjithmonë ka zgjidhje për çdo problem që ekziston.

Për të shmangur këtë shqetësim që keni mjafton të bëni një dush me ujë të ngrohtë dhe të ftohtë në mënyrë alternative. Ky ndryshim i ujit me temperatura të ndryshme mund të nxisë zgjerimin dhe tkurrjen e enëve të gjakut. Aktiviteti fizik nga ana tjetër shton numrin e rrahjeve të zemrës dhe përmirëson qarkullimin e gjakut. Shëtitja me ecje të shpejtë, vrapimi apo noti janë zgjedhje e shkëlqyer.

Siç e dimë, qëndrimi ulur për gjatë gjithë kohës nuk ndikon aspak mirë në shëndetin tonë dhe masazhet e rregullta të shpinës dhe qafës mund të nxisin qarkullimin e gjakut në tru dhe gjithashtu do të ndiheni mjaft të relaksuar. Mos harroni që të kaloni sa më shumë kohë jashtë, sidomos në natyrë.

Kjo ka një efekt qetësues dhe gjallërues në mendjen dhe trupin tuaj. Dhe e fundit por jo më pak e rëndësishmja, hani sa më shumë ushqime të pasura me magnez si arra, fasule, brokoli, perime jeshile. Gjithashtu, një zgjedhje e mirë e ushqimeve të pasura me vitaminë B si vezë, qumësht, salmoni, fara.