Nga dobësimi i flokëve tek kockat e dobëta, këto shenja tregojnë se keni mungesë të theksuar proteinash

Proteinat janë lëndë ushqyese thelbësore. Roli i tyre në trupin e njeriut është i madh.

Mungesa e proteinave do të thotë që sasia e elementit që mund të konsumoni çdo ditë nuk është në gjendje të përmbushë kërkesat e trupit. Marrja e ulët e proteinave do të tregojë efektin e saj në trupin tuaj. Më poshtë janë listuar disa shenja që trupi po ju paralajmëron se keni mungesë të proteinave.

-Lëkura e fryrë mund të jetë një shenjë. Zakonisht ndodh kur ka një sasi të ulët të albuminës në gjak (një proteinë që gjendet në gjak). Kjo proteinë është e përfshirë në ruajtjen e presionit onkotik (kërkohet për të tërhequr lëngun në inde). Zvogëlimi i sasisë së kësaj proteine mund të shkaktojë akumulimin e lëngjeve në inde.

-Nëse ju ndodh që të keni mëlçi të yndyrshme në raportet tuaja mjekësore, mund të jetë një shenjë. Mund të shkaktohet nga sinteza e dobët e proteinave që transportojnë yndyrë.

-Shenjat më të lehta për t’u vënë re janë në flokët dhe thonjtë tuaj. Hollimi i flokëve, humbja e volumit dhe thonjtë e brishtë mund të jenë një shenjë e mungesës së proteinave.

-Muskujt janë një depo e madhe e proteinave. Nëse vëreni disa humbje të muskujve, mund të jetë një shenjë.

-Kockat e dobësuara ose të prirura për thyerje mund të jenë një shenjë.

-Nëse keni mungesë të proteinave, mund të jeni në një rrezik më të lartë të infeksioneve. Mungesa e proteinave dëmton sistemin tuaj imunitar. Në fakt, mund të rrisë ashpërsinë e sëmundjes.

-Marrja e ulët e proteinave mund t’ju bëjë të hani më shumë

Është interesante se mungesa e rëndë e proteinave karakterizohet nga humbja e oreksit, por studimet kanë treguar se kur mungesa është e lehtë, trupi juaj mund të përpiqet të rrisë oreksin tuaj për të përmbushur mungesën e proteinave. Sipas disa studimeve, marrja e dobët e proteinave shoqërohet gjithashtu me shtim në peshë dhe obezitet pasi oreksi i rritur do t’i nxisë njerëzit të konsumojnë më shumë ushqime që mund të mos jenë të pasura me proteina, por mund të jenë të larta në kalori.