"Le të më ftojë prapë në emision dhe të më pyesë a janë format e mia këto", Roza Latit nuk i del e keqja me Bieta Sulon

Dy vite kanë kaluar nga përplasja mes dy moderatoreve të suksesshme, Bieta Sulo dhe Roza Lati dhe duket se “sherri” e tyre nuk ka përfunduar me aq.

Kujtojmë se gjatë emisionit “Ftesë në 5”, Roza ishte ftuar për të folur për fotot e saj me të brendshme në vaskë të cilat asokohe bënë shumë bujë në rrjet. Lati i ktheu përgjigje pyetjes nëse donte të binte në sy duke u shfaqur në mënyrë provokuese dhe i bëri përshtypje fakti se nuk u pyet për projektet e saj profesionale.

"Emisioni u mbyll, do rinisë në shtator, faleminderit që pyete. Shumë i bukur edhe seriali, ua sugjeroj ta shihni,”-tha Roza duke përdorur një ton paksa ironik.

Menjëherë pas përfundimit të kohës televizive, ajo iu drejtua platformës “Instagram” dhe ndau me ndjekësit se ishte e ofenduar sa i përket trajtimit që kishte marrë gjatë intervistës.

Ajo u shpreh: “Unë nuk e kuptoj, të të ftojë tjetra në studio dhe të të ofendojë. Dhe ndërkohë më fshini videon? Kam 1001 inboxe nga njerëzit që reagojnë si mundet në një emision televiziv të të fyej tjetra në shtepinë e vet ku ti i shkon e ftuar dhe nuk përtoj t’i nxjerr të gjitha inboxet një nga një meqë lozni kaq pisët dhe më fshini videon.”

Mesa duket moderatorja nuk e ka harruar ende këtë episod. Në një set të ri fotografik të cilin e ka postuar ditën e djeshme në “Instagram”, Lati dukej si gjithnjë sensuale dhe e kuruar, por nuk ishte kjo ajo që u tërhoqi vëmendje fansave. Poshtë njërit postim moderatorja kishte shkruar: “Le t’më ftojë prapë në emision Sulo e të më pyesi a janë format e mia këto?”

Mesa duket sado kohë kalon, Roza Lati nuk harron.