Horoskopi javor nga Paolo Fox, zbuloni çfarë kanë parashikuar yjet për të gjitha shenjat gjatë datave 3-9 prill

Dashi: Dash i dashur, shenja juaj po hyn në një moment plotësie totale dhe ju po ndjeni gjithë energjinë e Diellit. Tani më në fund keni rastin t’ia nisni nga e para dhe gjithçka do t’ju shkojë më së miri. Nëse keni në mendje projekte të reja apo iniciativa të reja, ka ardhur koha t'i bëni ato realitet. Jeni të etur për risi dhe nuk ju ka munguar kurrë guximi, tani keni edhe energjinë për të nisur një rrugëtim të ri. Bëni përpara!

Demi: I dashur Dem, sa surpriza të bukura ju presin në këtë sezon të Pashkëve! Horoskopi për javën nga 3 deri më 9 prill ju sheh ende të zënë me çështjet e zemrës, me këtë Venus të shkëlqyer, por tani po vjen edhe Mërkuri që ju premton fat në dashuri dhe në aspektin financiar. Kjo do të thotë se brenda një kohe të shkurtër do të hapen mundësi të reja përpara jush dhe prandaj do të ishte mirë të përgatiteni për të hedhur themelet e asaj që do të ndërtoni. Tani është koha për të vepruar.

Binjakët: Të dashur Binjakë, ky sezon kërkon që të jeni më të përkushtuar në angazhimet tuaja dhe të keni më shumë besim në vete. Horoskopi i javës në vijim ju sheh aktivë në fushën që preferoni: atë të marrëdhënieve me publikun, kërkimin e bashkëpunëtorëve të rinj, duke nxjerrë në pah aftësinë tuaj të pabesueshme për të krijuar lidhje të reja. Duhet ta shfrytëzoni sa më shumë këtë talent të madh, sepse nga marrëdhëniet tuaja do të vijnë zgjidhjet më të mira për situatat paksa shqetësuese.

Gaforrja: Të dashura Gaforre, ju presin vetëm lajme të mira në këtë sezon të bukur Pashkësh. Aq të bukur, sa as dielli në prapavijë nuk mund t'ju frikësojë. Në këtë pranverë, e cila nuk do t'jua kursejë sprovat, ka dhe shumë dashuri dhe shumë energji pozitive në ajër. Lajmi i mirë është se ju po rriteni dhe nuk do të trembeni përballë këtyre sprovave, por përkundrazi do të ndiheni gjithnjë e më të sigurt dhe më të vendosur. Vazhdoni kështu!

Luani: Luanë të dashur, edhe ju në këtë sezon Pashke ju pret një surprizë e këndshme, që është njohja e punës së bërë në muajt e mëparshëm, edhe nga pikëpamja materiale. Shenja juaj po shkon drejt rritjes dhe tani jeni veçanërisht të fokusuar te puna. Ambicia juaj rritet dhe ju shtyn të nxirrni në pah anën më të mirë tuajën, asaj që do të fitojë sukses dhe që ka besim se do t’ia arrijë.

Virgjëresha: Të dashura Virgjëresha, jeni lodhur shumë, por ende nuk keni mbaruar punë. Yjet duan t'ju shohin aktivë në përpjekjet tuaja për të ndryshuar jetën tuaj. E ku ka më mirë për ju që jeni aq metodikë dhe racionalë? Horoskopi i javës në vijim ju sugjeron të bëni një listë përparësish, por edhe të bëni pastrimin klasik pranveror, jo vetëm në shtëpi, por edhe në agjendën tuaj të mbushur me takime. Me pak fjalë, kushtojuni ristrukturimit të botës suaj të vogël dhe do të ndiheni më të sigurt dhe më të lumtur.

Peshorja: Të dashura Peshore, horoskopi për javën nga 3 deri më 9 prill nuk ju sheh ende ndër shenjat më në formë të zodiakut, por ndër më të sfiduarat nga planetët. Megjithatë, nuk duhet të keni frikë apo të hezitoni. Yjet duan t’ju vënë në provë dhe nuk keni zgjidhje tjetër veçse ta pranoni sfidën. Dijeni se, nëse kjo periudhë ju duket komplekse dhe e lodhshme, është një moment i çmuar rritjeje, një mundësi e shkëlqyer për t'u kapur në fluturim. Mos u tërhiqni!

Akrepi: Të dashur Akrepa, nga njëra anë ndjeni një energji të bukur dhe entuziazëm që ju ka përfshirë plotësisht, Dielli i kthyer nga Dashi ju mbështet dhe ju shtyn të shkëlqeni, por nga ana tjetër puna është ajo që kërkon vëmendjen tuaj më të madhe këtë sezon pranvere. Do të arrini të pushtoni pozicione të reja dhe të hapni dyert në të cilat keni menduar të trokisni prej kohësh. Megjithatë, për çështjet e zemrës, në çift ka pak nervozizëm, ndaj përpiquni të shmangni diskutimet e panevojshme.

Shigjetari: Të dashur Shigjetarë, më në fund po rendni me galop! Ndiheni të lirë dhe të lehtë, shumë situata po rregullohen, veçanërisht në punë, dhe më në fund mund të ndërmerrni iniciativat që dëshironi, mund të besoni në aftësitë tuaja dhe në intuitën tuaj. Me shumë mundësi po tërhiqni vëmendjen e atyre që vendosin për të ardhmen tuaj profesionale, sepse po veproni me bindje dhe entuziazëm dhe kjo është e mirë për të gjithë ata rreth jush, përfshirë dhe familjen tuaj.

Bricjapi: Të dashur Bricjapë, horoskopi i javës së ardhshme sugjeron fort që t'i përkushtoheni akoma dashurisë, sepse ka shumë tensione në punë me kolegët dhe eprorët. Në shtëpi, nga ana tjetër, do të gjeni një fole të ngrohtë dhe mund të gjeni mbështetje te njerëzit që ju duan, të cilët janë të gatshëm t’i dëgjojnë problemet tuaja dhe t’ju ofrojnë qetësi. Po, ndonjëherë edhe ju keni nevojë për diçka të tillë.

Ujori: Të dashur Ujorë, guximi është fjala kyçe në horoskopin tuaj për javën nga 3 deri në 9 prill. Por nuk po flasim për guxim të pamatur, po flasim për forcën që duhet për të dalë hapur, për të folur për dëshirat, nevojat tuaja dhe mbi të gjitha për t'u dëgjuar. Askush nuk thotë se është e lehtë, por të paktën provojeni.

Peshqit: Të dashur Peshq, ndiheni gjithmonë e më të sigurt te vetja dhe për vlerat tuaja, dhe më në fund keni vendosur që dhe të tjerët ta shohin këtë. Prandaj është koha të bëni një hap para, të kërkoni atë që ju takon, sepse yjet do t’ju ndihmojnë të ndiheni të kënaqur. Ju duhet të bëni hapin e parë, të kërkoni atë që është me të drejtë juaja.