Ky është pengu më i madh i Rita Petros për bashkëshortin e ndjerë: " Kur e përcolla te dera, nuk e di nëse..."

Dhimbjet e mëdha janë sa të njëtrajtshme aq edhe të paqëndrueshme në përjetim. Edhe përpjekjet më të mëdha për të mos e lënë veten në rrymën e vuajtjes, dështojnë. Edhe Ritës i ndodh, sado që, pjesën më të madhe të kohës ajo jeton në gëzimin e kujtimeve që ndërtoi e jetoi për 20 vite me partnerin e saj, Latifin që u nda nga jeta në 2020-n.

Guximtare me penën e saj, ajo rrëfeu për “S’e luan Topi” pengun më të madh që ka për njeriun që e deshi aq shumë. Pyetjese se çfarë mendon mbrëmjeve ndërkohë që pinpuro dhe whiskey vetëm, rituale që dikur i bënte me të, ajo u përgjigj se përpiqet t'i evitojë dhe kalon shumë kohë në punë në mënyrë që të shkojë direkt në shtrat.

A e ka vajtuar Rita, Laton e saj të dashur?

"Atë ditë u bëra shumë keq. Momentin kur e mora vesh, kam qarë me zë. Pastaj ngaqë isha në zyrë u përmblodha pak. Isha në shok. Kur shkova në shpi, kam qarë. Kam qarë shumë. Kur ika në shtëpi iu thashë motrave që dua të rri vetëm.I vetmi peng që kam kam është kur e kam përcjellë te dera. Nuk e mbaj mend nëse jemi puthur para se të dilte nga shtëpia. Për këtë më vjen keq."-përfundoi ajo.