"Më ka hyrë në palcë frika", Fjoralba Ponari tregon arsyen pse nuk do të donte të sillte në jetë një vajzë

Ajo është pa diskutim një nga moderatoret më simpatike dhe të dashura të ekranit shqiptar, por edhe një nga ato personazhe të sinqerta që nuk ngurron të ndajë publikisht frikërat, dëshirat e saj apo të ngrejë zërin ndaj padrejtësive. Së fundmi ajo ka reaguar në Instagram-in e saj lidhur me ngjarjen e rëndë që ndodhi para pak ditësh në qytetin e Aachen, Gjermani.

Një 28-vjeçare shqiptare, e identifikuar si Jetmira Beka, u masakrua me thikë në një parkim nga ish-bashkëshorti i saj, një 37-vjeçar po me origjinë shqiptare. Ngjarja e rëndë që ndodhi rreth orës 19:00 të pasdites së të shtunës 20 maj tronditi opinionion publik gjerman, por edhe komunitetin shqiptar. 

Teksa ka publikuar lajmin në Instagramin e saj, Fjoralba shkruan se ka frikë për të sjellë në jetë një vajzë, që nesër mund të vritet nga shoqëria. “Nuk di ç’të them, përveç se më ka hyrë në palcë frika, që të sjell një vajzë në jetë nesër, në një shoqëri qe vetëm i cungon e vret çdo ditë! Ngushëllime familjarëve”-shkruan ajo.