Përjetësisht e bukur si Xhoana, gruaja e ish-kryeministrit Nano duket më sharmante se kurrë ne 50-vjetorin e lindjes

Ajo do të shfaqej në jetën publike shqiptare në fillim të viteve 2000 duke shkaktuar shumë zhurmë. Martesa me ish-kryeministrin e vendit, zotin Fatos Nano, do të shndërrohej në lajmin e ditës brenda dhe jashtë politikës duke bërë që emri i saj të lakohej për shumë kohë. E bukur, sharmante dhe me një elegancë të pashoqe, Xhoana Nano dukej sikur i kishte të gjitha atributet për të qenë një "first lady" e vërtetë dhe ashtu ndodhi. Shumë shpejt ajo u kthye në një personazh tejet të dashur.

Mirëpo, pas largimit nga Shqipëria daljet publike u bënë më të rralla. Pak javë më parë do të ishte këngëtari i njohur Frederik Ndoci që do të fliste për të, pasi ish-gjimnazistja e "Petro Nini Luarasit" kishte qenë modele në klipin e tij të parë.

“Xhoana ishte në sintoni me këngën dhe me sytë e saj të thellë. Klipi u realizua me mjaft sukses. Ajo ishte një bukuri e rrallë e asaj kohe që iu bë vlerë e shtuar këngës. Atëherë ka qenë e skalitur. Më çuan në disa shkolla të mesme dhe kur e pamë këtë thash “A është njeri ky?”, -tha ai, ndërsa peng i ka mbetur që ky videoklip nuk po gjendet më.

Së fundmi Xhoana Nano është rikthyer në atdhe ku edhe ka festuar 50-vjetorin e lindjes. Ka qenë artistja e njohur shqiptare e make up-it, Lili Ismaili që ka postuar në llogarinë e saj në “Instagram” dy foto nga festa e ditëlindjes dhe s'po u besojmë dot syve. Xhoana Nano jo vetëm që nuk ka ndryshuar, por duket më e bukur se kurrë më pare. Duket sikur koha ka ndaluar për të dhe pasi të shihni këto foto do të mbeteni pa fjalë njëlloj si ne.