Sjelljet e Georgina-s kanë acaruar dhe zhgënjyer Cristiano Ronaldo-n? Miku i familjes tregon ç'po ndodh me çiftin e famshëm

Duket se gjërat në jetën e Cristiano Ronaldo-s nuk po shkojnë aq mirë sa do të donte. Transferimi i bujshëm në skuadrën saudite të Al- Naser FC rezultoi një hap i gabuar në karrierën e yllit portugez, i cili së fundmi është përfshirë edhe nga një valë thashethemesh lidhur me jetën e tij private. Nuk është hera e parë që diskutohet për një ndarje të mundshme me Georgina Rodriguez, por sipas të përditshmes spanjolle "Gente" pritet që kjo gjë të ndodhë shumë shpejt.

Ka qenë miku i mamasë së Cristiano-s, Leo Caerio që ka deklaruar i pari se futbollisti dhe modelja nuk janë më bashkë. Ai ka rrëfyer se shkak për prishjen e kësaj marrëdhënieje janë qëndrimet egoiste dhe megalomane të Georgina-s.

"Georgina filloi të mburrej shumë, filloi të fokusohej vetëm te vetja dhe harroi se atje ishte një Ronaldo. Cristiano është një person krejtësisht tjetër dhe ka një përplasje të madhe mes të dyve. Ata kanë personalitete krejtësisht të ndryshme. Georgina ishte një person i ndjeshëm në fillim, por me kalimin e kohës ajo u bë befas një person që jeton vetëm për para, famë dhe video në Instagram”, thotë Leo Caeiro.

Marrëdhënia e acaruar mes modeles dhe nënës së CR7 duket se është një tjetër arsye që ndikoi në vendimin e Cristiano Ronaldo-s.