Në çantën e Jerina Lalaj gjen gjithçka, por ky është buzëkuqi "shpëtimtar" që këshillon ta mbani gjithmonë me vete

Ajo është pa diskutim një nga “pioneret” e para të industrisë së marketingut në Tiranë. Një grua vizionare që e njeh më mirë se kushdo tjetër fuqinë e komunikimit jo vetëm në biznes, por edhe në ndërtimin e profilit të një personazhi publik. Sot Jerina Lalaj nuk do të flasë për të tjerët, por për veten. Ajo hapi dyert e “JR Consoulting”, shtëpisë së saj të dytë dhe zbuloi para kamerës së Living se ç’mban gjithmonë në çantë.

Ndonjëherë e akuzojnë si Mary Poppins, por Jeri di të përshtatet me çdo lloj çante pa hequr dorë kurrsesi nga gjërat që ajo i konsideron esenciale. “Pa telefonin nuk jam askushi”-thotë ajo, ndërkohë që dëgjohet një thirrje në sfond. Edhe pse kanë kaluar disa vite nga pandemia, ajo ka gjithmonë me vete një dezinfektues duarsh. Si një promovuese e “Made in Albania”, Lalaj ka zgjedhur që syzet e diellit t’i ketë nga një brand shqiptar.

Për të është e rëndësishme që të jetë vazhdimisht e kuruar, aq më tepër që është bërë pjesë e ekranit, ndaj ka nevojë gjithmonë për produktet  e saj kozmetike si parfumi, kremi pudër, i kuqi i buzëve që sipas saj e shpëton në çdo lloj situate apo produktet stiluese për flokët. Jeri beson shumë në fuqinë e kristaleve dhe mban një të tillë gjithmonë me vete. Doni të dini më shumë? Hidhini një sy videos së mëposhtme:

ne canten time jerina lalaj