Ish-ministri i Brendshëm, Saimir Tahiri, ka lënë ditën e sotme qelinë. Sipas vendimit të Gjykatës së Elbasanit, 43-vjeçari do të vazhdojë pjesën e mbetur të dënimit në masën “arrest shtëpie”. Vendimi për lirimin e tij u mor pranimit të kërkesës së Prokurorisë për rrethana lehtësuese familjare ndaj Tahirit, nën argumentin se atij i duhej të kujdesej për fëmijët e mitur për shkak të problemeve shëndetësore të bashkëshortes.

Kujtojmë se më 4 shkurt të vitit 2022, Apeli i "Gjykatës Kundër Krimit të Organizuar dhe Korrupsionit" pas një seance maratonë dënoi Tahirin me 5 vite burg. Ai rezulton se ka pasur lidhje me Moisi Habilaj dhe Artan Habilaj dhe këto lidhje kanë ndikuar që grupi kriminal të infiltrohet në radhët e punonjësve të policisë dhe të shtetit dhe të pengojë luftën ndaj trafikut të drogës.