"Brenda këtij viti kam ngelur shtatzënë 4 herë", rrëfimi "epik" i Marsela Çibukajt

Marsela Çibukaj ka folur së fundmi për lajmet e shtatzënisë që qarkullojnë shpesh për të. Në intervistën e fundit për "Ditë pas Dite" me Fjodora Fjorën, ajo dha edhe një përgjigje "epike" sa i takon lajmeve për pritjen e ëmbël.

“Brenda këtij viti unë kam mbetur shtatzanë katër herë."- thotë Marsela duke qeshur e duke nënkuptuar se është "lodhur" nga lajmet, teksa shpjegon se si ajo dhe Vitmari i presin titujt e portaleve (sidomos lajmin e fundit që vinte i shoqëruar edhe me një foto):

"Në fakt ishim ulur në një kafene një ditë dhe unë kam vesin që çanta dhe pse e vogël e ngarkoj me 500 gjëra brenda dhe Vitmari më tha hajt se po ta mbaj unë. Po ku qëlloi atë ditë një paparac që na kishte bërë foto. Ne qeshim në shtëpi sepse nuk është e mundur që nga ky detaj kaq i vogël të bëhet një histori, paskemi qenë telenovelista”, u shpreh ajo.