Keni plan të udhëtoni? Frymëzohuni nga këto 4 kombinime praktike dhe elegante

Vera është gjithmonë më komplekse kur bëhet fjalë për veshjet dhe kombinimet e tyre. Sikleti shtohet akoma më tepër kur kemi planifikuar një udhëtim dhe nuk dimë se çfarë të veshim.

Në këtë artikull të zgjedhur për ju, do të listojmë 4 kombinime të cilat mund t’i vishni në udhëtimet tuaja dhe që gjithnjë do t’ju shoqërojë eleganca.

1.    Këmishë oversize dhe pantallona të gjera

Një këmishë oversize e kombinuar me një palë pantallona të gjera në të njëjtën ngjyrë, zëvendësojnë një kostum klasik dhe si rrjedhojë do të dukeni bukur dhe do të keni një komoditet maksimal.

2.    Një set i lehtë me thurje

Seti i lehtë me thurje me në modelin me shirita jo vetëm që është i rehatshëm, por gjithashtu ju lejon të udhëtoni me klas. I kombinuar me një palë këpucë pak të larta, është veshja më e thjeshtë dhe më në modë për të udhëtuar.

3.    Xhinse dhe një këmishë

Ndonëse jemi në periudhë pushimesh, ka ende nga ata të cilët marrin avionin për takime pune. Në këtë rast një kombinim ideal do të ishin xhinse të drejta, me një bluzë mini, një këmishë lino mbi bluzë dhe një palë sandale me pak takë. Me këtë kombinim nuk është nevoja për një kostum klasik, për t’u dukur tepër zyrtare.

4.    Jumpsuit

Sigurohuni që në udhëtimet tuaja të keni me vete një jumpsuit. Përveçse do hiqni një stres të madh për kombinimin, ato janë super të rehatshme sidomos kur janë të gjera. Jumpsuit- ët mund t’i vishni me sandale me takë, ose me një palë sandale të sheshta.