Britania e Madhe ndryshon tarifat e aplikimit për vizë dhe lejet e qëndrimi

Në një kohë kur shumë emigrantë i drejtohen dyerve të Britanisë, kjo e fundit ka vendosur të rrisë tarifat sa i përket marrjes së vizave apo çdo lloji leje qëndrimi që nga qëndrimet e përhershme e deri tek aplikimet për pasaportat biometrike.

Këto ndryshime pritet të aplikohen nga data 4 tetor e këtij viti. Në bazë të këtyre ndryshimeve, kostoja e një vize vizitorësh për një periudhë prej me pak se gjashtë muajsh do rritet nga 15 sterlina në 115, ndërsa tarifa për një vizë studentore e bërë jashtë territorit britanik do rritet nga 127 sterlina aktualisht, në 490 në muajin tetor, duke u barazuar me tarifën e aplikimit të bërë kur studenti ndodhet në Britani.

Ndryshimet e tarifave përfshijnë vizat britanike 6 mujore, 2, 5 dhe 10 vjeçare, shumicën e tarifave për vizat dhe lejet e qëndrimit si për arsye pune ashtu edhe studimi, tarifat për lejet e përhershme të qëndrimit si dhe ato për të marrë shtetësinë britanike.

Ky veprim bëhet për të lehtësuar barrën e taskapaguesve britanikë në funksionimin e shërbimeve të emigracionit, si dhe për të financuar rritjet e pagave për britanikët që punojnë në sektorin publik, duke ua kaluar këto kosto të huajveve që duan të jetojnë, punojnë apo studiojnë në Britani.