Në shtëpinë e Giorgia Melonit ka festë, këto janë fjalët e bukura të saj dedikuar së bijës

Kryeministrja e Italisë Giorgia Meloni na ka zbuluar se në shtëpinë e saj ka festë. Vajza e saj e vogël feston ditëlindjen, ku Meloni ka ‘zhveshur’ kostumin drejtues të pushtetit dhe me fjalë të ëmbla ka bërë urimin emocionues për të bijën.

“Në rrugëtimin tënd, Gì, do të ketë ditë të mira dhe ditë të vështira. Fitore dhe disfata, lot, të qeshura, emocione, frikë. Por mbaj mend se bota dhe jeta janë plot me mrekulli për ata që mund të shikojnë përtej fasadës. Kudo ka mrekulli. Në gjërat në dukje banale, në momentet kur nuk e pret, qoftë edhe në vështirësi, mund të fshihen mrekullitë e vogla. Duhet t'i kërkosh me zemër, jo me sy.

Urimet më të mira për një jetë të mrekullueshme, luleshtrydhe”, ka shkruar Giorgia Meloni.