VIDEO/ Realizohet për herë të parë në spitalin "Nënë Tereza", heqja e plotë e tumorit të kokës përmes syrit

Për herë të parë në Qendrën Spitalore ‘Nënë Tereza’, është realizuar ndërhyrja mini-invazive për heqjen e tumorit të kokës me endoskop që shmang hapjen klasike të përdorur deri tani dhe nuk prek syrin, duke mos lënë kësisoj asnjë shenjë nga pikëpamja estetike.

Lajjmin e ka ndarë ministrja e Shëndetësisë dhe Mbrojtjes Sociale, zonja Albana Koçiu, përmes një video të publikuar në Facebook, ku tregon momente nga ndërhyrja.

“Falë punës së shkëlqyer, mjaft delikate, të një ekipi multidisiplinar ka përfunduar me sukses heqja e plotë e tumorit të kokës përmes syrit. Falënderime të pakursyera mjekëve, Prof. Artur Xhumarit, mjek eurokirurg, Dr. Ermal Simakut, mjek okulist, Dr. Marjon Sakos, mjek maksilo-facial, Dr. Myfit Saraçit, mjek anestezist, dhe të gjithë ekipit për këtë punë të rrallë”, ka shkruar ajo.