Më e qartë dhe e vendosur se kurrë, Vesa Luma e di mjaft mirë se ç'duhet të bëjë pas kthimit nga Zelanda e Re

Kemi dëgjuar vazhdimisht të flitet për ëndrrën amerikane, tokën e premtuar të mundësive të mëdha dhe shanseve të barabarta, megjithatë Vesa Luma dhe Big Basta zgjodhën që ëndrrën e tyre ta shijonin akoma më larg, në Zelandën e Re. Por, siç edhe keni lexuar Vesa tanimë është kthyer në Shqipëri, më e qartë dhe e vendosur se kurrë: t'i kthehet sërish muzikës.

Në një prononcim për "News31", Vesa u shpreh: "Jam në fazë përmbyllëse të EP-s sime. Kam qejf ta ndjej më afër dhe publikun. Jam në punë e sipër. Në shtator ka filluar puna intensive. Do jem po ajo Vesa. Ka dhe balada, por ka dhe këngë shumë ritmike. Nuk e kam pasur luksin të provoj diçka tjetër më të madhe. Për rikthim do jem po ajo Vesa, por në vazhdim të shohim. Dua të eksperimentoj, por do ia lëmë kohën. Do të ketë bashkëpunim me Gerin dhe do të vijë në një moment të bukur."

Kaq na ka zbuluar këngëtarja, deri më tani, duke u treguar e rezervuar në detaje, e nuk na mbetet gjë tjetër veçse të presim për të parë se çfarë ka përgatitur.