Djali i yllit të famshëm të muzikës botërore, Madonna-s, ka festuar ditëlindjen e 18, i cili tashmë konsiderohet si një individ i rritur. E tillë ishte edhe festa e organizuar për ditëlindjen e David Banda Mwale Ciccone , që u zhvillua në Manhatan.

65-vjeçarja ka postuar në “Instagram” disa momente nga kjo festë, ku ajo shfaqet duke kërcyer me femra gjysmë të zhveshura. Ndërsa djali i saj duket se po e shijon atmosferën e ‘çmendur’ njësoj si mamaja e tij.

“Gëzuar ditëlindjen e 18-të David Banda!”, shkroi këngëtarja në postimin e saj duke zbuluar se emri i djalit të saj është Senzangakona që do të thotë “burri që thotë të vërtetën”. “Nuk mund të mendoja një emër më të mirë për një artist”, shtoi mbretëresha e popit.

David është fëmija i parë që Madonna birësoi pasi e takoi të sëmurë me pneumoni në moshën 13 muajsh në vitin 2006 në një jetimore në Malavi. Birësimi u finalizua në vitin 2008 pas shumë debatesh mbi faktin se Madonna nuk kishte jetuar një vit në vendin afrikan, një nga kushtet kryesore për të vazhduar birësimi.