Supë me makarona elb, mish pule dhe domate

Moti i ftohtë dhe me shi pa një supë të ngrohtë nuk quhet, apo jo? Kjo është një nga pjatat më të preferuara si nga të rriturit, edhe nga fëmijët ndaj provojeni.

Përbërësit: 1/2 gotë makarona elb(orzo), 2 gota lëng pule, 2 gota ujë, mish pule (pjesa e bardhë), 3 domate, 1 qepë e vogël, 1 thelpi hudhër, kripë, piper, gjalpë, vaj ulliri, 1 lugë gjellle salcë domatesh, kopër dhe limon.

Përgatitja: Qepën e presim shumë imët dhe e shtojmë në enën e supës në temperaturë mesatare, ku më përpara kemi shkrirë gjalpin (rreth 70 g) me pak vaj ulliri. E skuqim qepën avash që të zbutet dhe më pas shtojmë hudhrën e shtypur. Pasi janë skuqur shtojmë domatet e grira në rende. Kur masa ka marr valë, shtojmë pak kripë, piper, dhe salcën e domates për t'i dhënë më shumë ngjyrë. Shtojmë lëngun e pulës të zier më parë, ujin dhe në fund makaronat elb. I lejmë të ziejnë pak makaronat dhe më pas shtojmë mishin e pulës. Nga fundi kontrollojmë kripën dhe shtojmë kopër të prerë imët sipas dëshirës.  Ju bëftë mirë!