Del në ankand paketa e cigareve të yllit të rock-ut, Kurt Cobain, ja sa do të shitet

Një tjetër produkt shumë interesant do të dalë në ankand këtë javë. Bëhet fjalë për paketën e pahapur të cigareve të Kurt Cobain, pjesëtarit të grupit Nirvana. Ajo është paketa më e shtrenjtë e cigareve e shitur ndonjëherë.

‘American Spirit’ marka e preferuar e cigareve për yllin e rock-ut, e ruajtur ende në mbështjelljen origjinale të celofanit, po shiten nga Julien’s Auctions si pjesë e ankandit të saj “Played, Worn, & Torn: Rock ‘N’ Roll Iconic Guitars And Memorabilia”.

Kjo paketë cigare është ruajtur me kujdes nga shoku i dhomës së Cobain në klinikën e rehabilitimit në Los Angeles, ku ai qëndroi pak ditë, përpara se të vriste veten.

Sipas mediave të huaja deri tani paketa vlerësohet në 800-1200 dollarë (740 – 1100 euro). Deri në momentin e shkrimit, oferta më e lartë aktuale është 2,000 dollarë (1,845 €).