"Çmendet" Balenciaga, nxjerr në treg fundin peshqir për çmimin 925 dollarë

Keni kohë që mendoni të blini një fund, por jeni në mëdyshje ç’të zgjidhni? Balenciaga ju vjen në ndihmë me modelin e mëposhtëm, i cili po i bën të gjithë të flasin për të.

E dimë ç’po ju kalon në mendje, por s’është shaka. Shtëpia e famshme spanjolle e modës godet sërish në shenjë dhe bën atë që di të bëjë më së miri: të shokojë dhe zemërojë blerësit, që kanë shpëthyer menjëherë në rrjete sociale pasi kanë parë këtë disenjo.

Fundi peshqir i përbërë prej peshqiri të vërtetë, me dy butona dhe një rrip pëlhure shtesë brenda, është pjesë e koleksionit pranverë-verë 2024 dhe mund ta bëni tuajin për 925 dollarë. Ai vjen në dy ngjyra:  gri e  bezhë,  dhe  mund të vishet nga djemtë  e vajzat, në përditshmëri apo mbrëmje festive.

Kjo nuk është herë e parë që drejtori kreativ i Balenciaga-s provokon publikun me koleksionet e tij. Vitin e kaluar 42-vjeçari gjeorgjian nxorri në shitje një palë atlete të shkatërruara për vetëm 1,850 dollarë.

Pa harruar çantën e famshme e ngjashme me qesen e plehrave, çantën legjendare Frakta të IKEA-s apo bluzën me printin DHL, gjatë debutimit të tij me linjën “Vetements”.

I pyetur për këto zgjedhje aspak konvencionale, ai do të deklaronte për gazetën prestigjioze të modës WWD: "Nuk mund të humbisja mundësinë për të bërë qesen e plehrave apo trastën IKEA më të shtrenjtat në botë, sepse kujt nuk i pëlqen një skandal mode?"

Por Demna nuk ishte i vetmi që evoluoi të zakonshmen në të jashtëzakonshme. Shtëpitë luksoze të modës si Gucci në kohën e Alessandro Michele-s, Moschino në periudhën e Franco Moschino-s apo Louis Vuitton në kohën e Virgil Abloh  gjithashtu kanë përqafuar këtë lloj ironie.

Disenjo të tilla njihen me emrin Kitsch, i cili përdoret për të përshkruar komoditetin, ose artin që merr frymëzim nga kultura pop. Megjithatë, ky term mori një kuptim të ri në mesin e deri në fund të shekullit të 20-të, duke u identifikuar si nocioni i "shijes së keqe".

large sp24 lookbook look30 2000x3000

vetements dhl

2017 04 gq ikeadefence 3x2

balenciaga2

balenciaga paris sneakers 2