E rëndë në Tiranë, 2-vjeçarja përfundon në Urgjencën e Pediatrisë me shenja dhune dhe djegie cigaresh

Një ngjarje e rëndë ka ndodhur ditën e djeshme në kryeqytet ku një 2-vjeçare është paraqitur në Urgjencën e Pediatrisë me hematoma dhe shenja djegieje cigaresh. Policia e Tiranës ka reaguar në lidhje me këtë ngjarje të rëndë duke u shprehur se vogëlushja është djegur aksidentalisht nga vëllai i saj i mitur 9 vjeç dhe se materialet e deritanishme i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Tiranë.

NJOFTIMI I PLOTË 

“Ditën e djeshme, është paraqitur për ndihmë mjekësore në spitalin “Nënë Tereza”, e shoqëruar nga nëna e saj, një e mitur 2 vjeçe, të cilën e ka djegur aksidentalisht (duke luajtur me një bisht cigareje) vëllai i saj i mitur 9 vjeç. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale”, njofton policia.

Sakaq sipas burimeve për JOQ, e mitura ka djegie me cigare kudo nëpër trup, madje edhe pranë organeve gjenitale. Madje dyshohet se ajo është abuzuar edhe seksualisht, megjithatë mbeten për t'u verifikuar.