Gjuha shqipe futet zyrtarisht në një prej universiteteve më të mira në botë

Nga semestri i Pranverës 2024, Gjuha Shqipe do të jetë lëndë mësimi në Universitetin e Pensilvenias, një nga universitetet më të mira në SHBA, e në botë.

Lajmin zyrtar e ka dhënë Ballina Prishtina, një ish- studente shqiptare e cila ka luajtur një rol në përpjekjet për ta bindur administratën e universitetit atje.

“Shpresoj që ta kuptojmë të gjithë se çfarë momenti historik është ky për grupin tonë [të studentëve shqiptarë të këtij universiteti], për gjuhën tonë të bukur e unike që do të mësohet në universitetin më të vjetër amerikan”, ka shkruar në faqen e saj në Facebook.

“Gjuha jonë mbijetoi mrekullisht qindra viteve nën pushtim të huaj. Unë doja që ta shihja të gjallë e për shumë vite të tjera, të dokumentuar në arkivat historikë të Universitetit tonë, si një gjuhë që këmbëngul në një komb të qëndresës”, ka vijuar Ballia.

Kursi për gjuhën shqipe, në nivel fillestar do të ofrohet në Departamentin e Gjuhëve për çdo student të interesuar. Një lajm i mrekullueshëm ky për të gjithë shqiptarët që jetojnë atje dhe duan të mësojnë më tepër për gjuhën mëmë.