Dior e zëvendësoi me një modele izraelite, qytetarët protestojnë para dyqanit për Bella Hadid

Që kur u përhap lajmi se Dior ka prishur kontratën me Bella Hadid për shkak të statuseve të saj pro Palestinës, përdoruesit e markës së famshme kanë nisur ta bojkotojnë duke mos i përdorur më produktet e saj, ose duke shpërndarë video në rrjetet sociale ku produktet Dior hidheshin në kosh.

Por sot raportohet se disa aktivistë po protestojnë para brand-it Dior.

Thuhet se Dior e zëvendësoi Bella-n me May Tager, një modele izraelite, e cila kishte gjithashtu një kontratë me Dior.

Ndërkohë, fakte të reja kanë qarkulluar në rrjet!
Bëhet me dije se kontrata e Bella Hadid me Dior ka përfunduar që në mars 2022, shumë kohë para konfliktit të fundit dhe imazhi i saj është hequr më herët.

Megjithatë, Dior e rinovoi kontratën vetëm me Tager dhe jo me Bella Hadid, ndaj ky gjithashtu është një fakt që i revolton fansat e modeles!