Pësoi infarkt teksa jepte mësim, nxënësit në Dimal reagojnë në rrjete sociale: "Shkolla do të jetë bosh pa ty"

Një ngjarje e rëndë ka ndodhur në Dimal, ku një mësuese e gjuhës angleze në shkollën "Sali Gjuka" ka humbur ndjenjat në klasë teksa jepte mësim. Etleva Gjoni, nënë e tre fëmijëve të mitur, u dërgua menjëherë në Tiranë, por mësohet se humbi jetën si pasojë e një infarkti. Nxënësit, stafi i shkollës dhe Drejtoria Arsimore e qytetit kanë ndarë dedikimet e tyre prekëse në rrjetet sociale për këtë humbje të beftë të saj, por më prekësi ishte ai i shkruar prej nxënësve të saj.

"Ky është një nga ato postimet që nuk do të donim të ndanim me ju. E vështirë për ta besuar dhe e dhimbshme për ta pranuar se kolegia dhe mësuesja jonë e dashur Etleva Gjoni nuk do të jetë më midis nesh. Jeta jote edhe pse e shkurtër ka siguruar mbijetesën e personit tënd. Na beso mike, errësira që ke lënë është shume e madhe. Të qoftë dheu i lehtë! U prehsh në paqe!",- shkruan stafi i shkollës.

“Presore si je?

Nuk do të të pyes për detyrat e shtëpia apo të ngrihem në mësim. Dua të të them që do të jesh gjithmonë mësuesja ime e preferuar dhe do të kesh një vend të veçantë në zemrat time, zemrat tona! Shkolla do të jetë bosh pa ty, pa buzëqeshjen tënde dhe shakatë e tua!(Nxënësit e tu)”