Një ngjarje e rëndë ka ndodhur në Queens të New York- ut, ku janë vrarë katër anëtarë të një familjeje dhe tre të tjerë janë plagosur, përfshirë dy oficerë policie, pas një sulmi me thikë që ndodhi gjatë ditës së sotme.

Oficerët e policisë në orët e para të së dielës gjetën viktimat në një shtëpi ku autori i kishte vendosur flakën. Ky i fundit ka tentuar të vrasë edhe dy oficerët duke i sulmuar me thikë në kokë dhe gjoks, por fatmirësisht kanë mundur t'i shpëtojnë plagëve të marra. Njëri nga policët edhe pse i plagosur ka mundur të nxjerrë pistoletën, duke qëlluar për vdekje mbi autorin e kësaj masakre.

Në një konferencë për shtyp, policia konfirmoi se mori një telefonatë nga një grua e cila tha se kushëriri i saj po vriste anëtarët e familjes.