Shpërthimi i vullkanit Marapi në Indonezi gjatë fundjavës, i ka marrë jetën 11 alpinistëve të gjendur pranë kraterit të tij.

Sipas BBC, forcat e kërkim- shpëtimit të dërguar në vendngjarje kanë arritur të nxjerrin të gjallë edhe tre persona të tjerë. Në momentin e shpërthimit në zonë kanë qenë 75 alpinistë, por shumica e tyre janë evakuuar në mënyrë të sigurt.

Vullkani i lartësisë 2,891 metra, hodhi hi deri në 3 kilometra në qiell të dielën. Autoritetet ngritën alarmin në nivelin e dytë më të lartë dhe ndaluan banorët të shkonin më shumë se 3 km nga krateri.

Pamjet tregojnë një re të madhe hiri vullkanik të përhapur gjerësisht në qiell dhe makina e rrugë të mbuluara me hi.

Marapi është një nga vullkanet më aktivë në ishullin Sumatra dhe shpërthimi i tij më vdekjeprurës ishte në prill të vitit 1979, kur vdiqën 60 njerëz.

Indonezia ndodhet në të ashtuquajturën “Unaza e Zjarrit” e Paqësorit dhe ka 127 vullkane aktive, sipas agjencisë së vullkanologjisë.