Nga Linda Fishta, Fotografia Armand Habazaj

Nëse do njihnit vlerat e finokut, do ta përdornit më shumë! Varianti më i thjeshtë i përdorimit të tij është sallata, pastaj janë tavat apo salcat e ndryshme. Edhe pse gjendet në treg në të gjitha stinët, finoku, tani është në kohën e tij, prandaj përfshijeni në pazarin e perimeve!

Përbërësit për 4 persona:

● 2 finok të mëdhenj

● 3 mollë të kuqe të forta

● 150g kos i bardhë

● 50g bajame të pjekura me kripë

● vaj, kripë e piper

Përgatitja:

1. Bajamet i grijmë në thërrime të mëdha. Finokët e larë i ndajmë në feta të holla, mollët e lara,

por të paqëruara i ndajmë gjithashtu në feta të holla.

2. Përziejmë kosin me pak vaj ulliri, kripë e piper. Vëmë në një pjatë të madhe fetat e finokut dhe të mollës, i spërkasim sipër me kos, dhe thërrimet e bajameve. E shërbejmë menjëherë pasi molla mund të nxihet.