Sipas një studimi të fundit, qëndrimi i fëmijëve në telefon pengon zhvillimin e të folurit të tyre. I ftuar në studion e Euronews, logopedi Erges Eskiu foli dhe në lidhje me lodrat që duhet t’i jepen fëmijëve.

Logopedi tha se psikologët sugjerojnë që fëmijës t’i jepet vetëm një lodër pasi i zhvillon imagjinatën. Ndërkohë që sipas ij dhënia e shumë lodrave në të njëjtën kohë i shpërqëndron fëmijët.

“Psikologët rekomandojnë që mos t’i japim fëmijës shumë lodra. Jepini një lodër dhe do i zhvillosh imagjinatën. Duke i dhënë shumë lodra ai shpërqëndrohet. Merr makinën, anijen ose një kukull dhe nuk ka mundësi ta zhvillojë imagjinatën. Kur ka shumë kukulla luan nga pak me të gjitha, por në momentin që ka vetëm një lodër përqëndrohet tek ajo.

Kur i jep një fëmije telefonin, të gjithë shkojnë tek youtube. Ka që shkojnë te këngët popullore, pasi ashtu mund të jenë mësuar më parë nga prindërit, ose mund të shkojnë te kënga “Baby shark”, ose në video ku ata janë familjarizuar më parë”, tha logopedi.