Ditën Botërore të Autizmit njerëz të thjeshtë dhe të famshëm e kanë kujtuar në mënyra të ndryshme.

Gazetarja Mira Kazhani, e ka kujtuar me një pjesëz të shkëputur nga intervista e realizuar me Profesorin e Gjuhësisë Edmond Tupja, i cili gjithë jetën e tij e ka kaluar duke u kujdesur për djalin autik.

I pyetur nga Kazhani se çfarë është për një prind të ketë një fëmijë me autizëm, Profesori u shpreh: “Do kthehem te mitologjia. Zeusi vuri re që një nga ata Perëndi apo gjysmëperëndi, kishte bërë një pisllëk. Kishte mbyllur vdekjen dhe nuk vdisnin më njerëz. Zoti tha “jo, njerëzit janë të vdekshëm”, e mori këtë zotërinë që quhej Sizifi dhe e dënoi. Këtë shkëmb i tha, këtë gur të madh do ta ngjisësh në majë dhe kur ta ngecësh aty, atëherë ke shpëtuar. Sizifi e ngjiste gurin deri afër majës dhe pastaj s’kishte më fuqi, binte. Dhe kështu nuk e fali. Por një shkrimtar francez, Albert Camus (Kamy) tha që duhet imagjinuar Sizifi, i lumtur, me atë që bën”, u shpreh Profesor Edmond Tupja.